關於我哋
我哋係邊個？
德國吹水班係一個非正式、冇註冊成 Verein 嘅社群，畀住喺德國、識講廣東話嘅人。「吹水」就係輕鬆閒聊，呢度就係我哋最鍾意做嘅嘢。
社群主要喺 WhatsApp 度運作:每個城市有自己嘅群組，另外仲有音樂等興趣群組。呢個網站淨係幫你搵到我哋、睇活動同報名。
社群價值同守則
- 我哋主要用廣東話溝通。香港人、海外華人同識講廣東話嘅外國朋友都歡迎。
- 互相尊重。唔好歧視、唔好騷擾，亦唔好取笑人哋嘅口音或者錯誤。
- 尊重私隱:未經同意，唔好影或者分享人哋嘅相同對話。
- 唔好喺群組度做廣告或者垃圾訊息。
- 如果有人令你唔舒服，請即刻搵管理員。我哋會處理。
點樣加入？
㩒下面個掣加入 WhatsApp 社群，然後喺群組入面揀返你嘅城市。
常見問題
要識講廣東話先可以加入？
係，我哋主要用廣東話溝通。只要你講得流利，唔係香港人都歡迎。
參加活動要錢嗎？
活動本身冇會費，不過食飯或者場地費用要自己俾。每個活動嘅報名頁面會寫明詳情。
我嘅城市未有群組點算？
照加入社群，同大家講一聲，我哋幫你開個新群。
你哋係註冊咗嘅協會嗎？
唔係，我哋係一個非正式嘅社群。